HUCCHU MANASE..

ನಗುವು ಬರುತಿದೆ ನಿನ್ನ ಕಂಡು

ಹುಚ್ಚು ಹೆಚ್ಚಿರುವ ನನ್ನಯಾ ಮನಸೇ,

ಚಂಚಲತೆಗೆ ವಶವಾಗಿ ನೀ ಬೆಳೆಸಿಕೊಂಡೆ

ಪ್ರೇಮ ಸಾಗರದಲಿ ಈಜು ಕಲಿಯುವಾಸೆ.

ಪ್ರೇಮಿಸುವಳೆನ್ನ ಎಂಬ ಭ್ರಮೆಯು ಕಾಡಿತು

ಒಬ್ಬಾಕೆ ಆಕಸ್ಮಿಕವಾಗಿ ನೋಡಲೆರಡು ಬಾರಿ ನಿನ್ನ 

ಆ ಅಂದದ ಭ್ರಮೆಯಲಿ ಆನಂದ ಪಡೆದೆ,

ಕಳೆದೆ ಕಾಲವಾ ನೋಡುತಲಿ ಆಕೆಯ ಚೆಲುವನ್ನ

ಮೌನವ  ಭೂಷಣವಾಗಿಸಿಕೊಂಡಾಕೆ ನಿನ್ನೊಡನೆ ಮಾತನಾಡಿದಾಗ 

ನಿನ್ನ ಪ್ರೀತಿಯ ಗಿಡಕೆ ಆದಂತಾಯಿತು ನೀರಿನೆರಕ

ನೀರ ಪಡೆದ ಆ ಗಿಡವು ಹೆಮ್ಮರವಾಗಲು

ಅವಳೊಡನೆ ಏಕಾಂತ , ಆಯಿತಲ್ಲವೇ ಪ್ರೇರಕ 

ಕಣ್ತೆರೆದು ವಾಸ್ತವವನು ನೋಡೆನ್ದಾಗ ನೋಡಲಿಲ್ಲ

ಕಣ್ಣಿನ ಮೇಲೆ ನಿನಗಾಗ ಬಂದಿತ್ತು ಪ್ರೀತಿಯೆಂಬ ಪೊರೆ 

ಈ ಪೊರೆಯ ತೆಗೆಯದೆ ಇದ್ದುದಕ್ಕಾಗಿ ತಾನೇ 

ಇಂದು ಪಡೆದುದು ನೀನಾಕೆಯಿಂದ ತಿರಸ್ಕಾರ ಎಂಬ ಉಡುಗೊರೆ

ಮತಿಯು ಮಿತಿಯಲಿರದೆ   ಪ್ರೀತಿಸುವ ಈಜು

ಕಲಿತು ಪ್ರೇಮದ ಕಡಲಿನಲಿ ಮೀನಾಗ ಬಯಸಿದೆ

ಈಜು ಕಲಿಯಲಾರದೆ ನಿರಾಶೆ, ದುಃಖವೆಂಬ 

ದಡದಲಿ ಮೀನಿನಂತೆ ಒದ್ದಾಡುತ್ತಿರುವೆ, ಉಸಿರಾಡಲಾಗದೆ.