ಬಾ ಬೆಳಕೆ ಧರೆಗೆ,
ಜಗದಿ ಹರಡಿಹ ಕತ್ತಲೆಯ ಸಂಹರಿಸಲು ಬಾ
ಸತ್ತಂತೆ ಮಲಗಿಹ ಜನರ ನಿದಿರೆಯ ನೀಗಿಸಲು ಬಾ
ನನಸಾಗದ ಕನಸುಗಳ ಕಾಣುವವರನೆಚ್ಚರಿಸಲು ಬಾ
ಬಾ ಬೆಳಕೆ ಧರೆಗೆ,
ಅನಂತ ದಿಗಂತದ ನೀಲ ವರ್ಣವನ್ನು ತೋರಿಸಲು ಬಾ,
ದಟ್ಟ ಮೋಡಗಳ ಮಂದ ನಡಿಗೆಯ ತೋರಿಸಲು ಬಾ
ಬಾನಾಡಿಗಳ ಸ್ವಚ್ಛಂದ ಹಾರಾತಕೆ ದಾರಿ ದೀಪವಾಗಲು ಬಾ
ಬಾ ಬೆಳಕೆ ಧರೆಗೆ,
ಮಿತಿ ಇರದ ಸಂಖ್ಯೆಯಲಿಹ ನಕ್ಷತ್ರಗಳನೋಡಿಸಲು ಬಾ
ಬೆಳೆವೆ ಇಲ್ಲವೇ ಕ್ಷೀಣಿಸುವ ಚಂದಿರನ ಇಲ್ಲವಾಗಿಸಲು ಬಾ
ಕತ್ತಲಿಗೆ ಅಂಜಿಹ ಸೂರ್ಯನನು ಕಡಲಿಂದ ಮೇಲೆತ್ತಲು ಬಾ
ಬಾ ಬೆಳಕೆ ಧರೆಗೆ,
ಮರೆಯಿಂದಲೋ, ಶುನ್ಯದಿಂದಲೋ ನೀ ಬೇಗ ಬಾ
ಭುವಿಯಲಿಹ ಸೌಂದರ್ಯವನೆಲ್ಲ ಆಸ್ವಾದಿಸಬೇಕೆಂಬ
ನನ್ನ ಬಯಕೆಯ ಕಮಲವನರಳಿಸಲು ಬಾ.
good one guru.
ReplyDeletekalpanege kaavu
ReplyDelete