ಕವಿ ಹೃದಯದ

ಗೆಳೆಯ-ಗೆಳತಿಯರ 

ಈ ಗುಂಪು

ಒಂದು ರೀತಿಯಲಿ

ಸರಿಸಮವು ದೇವಲೋಕದ

ಉದ್ಯಾನವನಕೆ;

ಕಣ್ಮನ ತಣಿಸುವ

ಪ್ರೇಮ ಕಾವ್ಯಗಳ ಸುಮವ

ಕೊಟ್ಟಿಹವು ಹಲವು

ಕವಿ ಗಿಡಗಳು,

ಇಲ್ಲಿನಾಕರ್ಷಣೆಯ

ಹೆಚ್ಚಿಸುವುದಕೆ;

ಜೀವನದ ಸಾರಾಮೃತವನೆ

ರುಚಿಯನಾಗಿಸಿಹ ಕಾವ್ಯಗಳ ಫಲವ

ಕೊಟ್ಟಿಹವು ಹಲವು

ಕವಿ ಮರಗಳು,

ಓದುಗನೆಂಬ ಪ್ರಕೃತಿ ಪ್ರೇಮಿಯ

ಹಸಿವನಿಲ್ಲದಂತಾಗಿಸುವುದಕೆ;

ಈ ಉದ್ಯಾನವನದೊಳಗೆ

ನನಗೊಂದು ನೆಲೆ

ಕೊಟ್ಟಿರುವರೆನುವುದೇ

ನನ್ನ ಪಾಲಿನ ಹೆಗ್ಗಳಿಕೆ;

ಫಲ ಪುಷ್ಪಗಳ ನೀಡದಿದ್ದರೇನಂತೆ?

ನಾನಾಗಿರುವೆ ಈ ತೋಟದ ನೆಲಕೆ,

ಹಸಿರನೀವ ಬರಿಯ ಹುಲ್ಲು ಗರಿಕೆ.