ನೀಲಿ ನೀಲಿ ಬಾನಿನಲ್ಲಿ, ಧ್ವಜವು ಅರಳಲಿ
ಬೀಸೋ ಗಾಳಿಯ ತಾಳದಂತೆ ತನುವ ಕುಣಿಸಲಿ
ನಾಲ್ಕು ಸಿಂಹದ ನಡುವಲಿದ್ದ ಕಂಬದ ತುದಿಯನೇರಿ
ಪಾಶ ಬಂಧನವ ಕಡಿದುಕೊಂಡಿತು ಹೂವ ನಗೆಯ ಬೀರಿ
ಕಾಣಬಹುದು ಮೂರು ಬಣ್ಣದ ಜೊತೆಯಲೊಂದು ನೀಲಿ ಚಕ್ರವ
ಚೆಲುವ ನೋಡಿ ತುಂಬಿಕೊಳುವ ದೇಶಭಕ್ತಿಯ ಭಾವವ
ದೇಶ ಭಕ್ತಿಗೀತೆಯಿಂದ ಅದರ ಅರ್ಚನೆಗೈಯುವ
ವಂದೇ ಮಾತರಂ ಎನುತಾ ಮಂಗಳಾರತಿ ಬೆಳಗುವ
ಬನ್ನಿ ಭಾರತೀಯರೇ ಬಾವುಟಕೆ ನಾವು ವಂದಿಸೋಣ
ದೇಶಪ್ರೇಮದ ಕವಚ ತೊಟ್ಟು, ಅದರ ಘನತೆಯ ಕಾಪಾಡೋಣ..
No comments:
Post a Comment