Tuesday 22 March 2011

ಮಾತು


ಪ್ರಿಯೆ ನಾ ಹೊಳೆವ ಸೂರ್ಯನಂತೆ ಮಾತನಾಡುವುದರಲಿ
ನಿನ್ನೊಡನೆ ಮಾತನಾಡಲು ಬಂದರೆ, ಮೋಡಗಳು ಕವಿಯುವುದು ನನ್ನೆದುರಲಿ
ನಾ ದುಂಡಾದ, ಬೆಳ್ಳಗಿನ ಪೂರ್ಣ ಚಂದ್ರನಂತೆ ಮಾತನಾಡುವುದರಲಿ 
ನಿನ್ನೊಡನೆ ಮಾತನಾಡುತಿರಲು  ಕ್ಷಯ ರೋಗ ಪಡೆದ ಚಂದಿರನ ಸ್ಥಿತಿ ಉಂಟಾಗುವುದೆನ್ನಲಿ.

ತುಟಿಗಳೆರಡೆಕೋ ಚಲಿಸಲಾರದು, ನಾಲಗೆಯೋ ಅತ್ತಿತ್ತ ಹೊರಳಲಾರದು.
ನಿನ್ನ ಮುಖದಂದವನು ಕಂಗಳು ನೋಡುತಿರಲು ಮಾತುಗಳೇ ಹೊರಡಲಾರದು.
ಕನಸಿನಲಿ ನೀ ಬಂದಾಗ ಆಡುವ ಮಾತುಗಳಿಗೆ ಮಿತಿಯೇ ಇರದು
ಆದರೇಕೋ, ವಾಸ್ತವದಿ ಮಾತನಾಡಲು ನನ್ನಯಾ ಕಂಠ ಶಬ್ದಗಳಿಗೆ ಜನುಮ ನೀಡದು.

ಮೈಯೊಳಗೆ ನಡುಕ ಮನದೊಳಗೆ ಪುಳಕ ನಿನ್ನೊಡನೆ ಮಾತನಾಡಲು
ಆಗುವುದು ಮನಕಾನಂದದ ಜಳಕ ನೀ ಮಾತು ಮಾತಿಗೆ ನಗುತಿರಲು
ನಿಜವನರುಹಿದರೆ ಆ ನಗುವೇ ಕಾರಣವು ನಾ ಮಾತನಾಡದಿರಲು
ಮಾತೆಲ್ಲಿ ಹೊರಡುವುದು? ನಿನ್ನ ನಗೆಯಂದವ ಕಂಡು ನಾ ಸ್ತಬ್ಧನಾಗಿರಲು.



No comments:

Post a Comment