ಮತ್ತೊಂದು ದಿನದ ಅಂತ್ಯಕೆ
ನಾಂದಿ ಹಾಡಿದನು ಸೂರ್ಯನು
ಮತ್ತೊಂದು ಇರುಳ ಜನನಕೆ
ರವಿಯು ತನ್ನ ತಾ ಕೊಂದನು.
ಪೂರ್ವದಿಂದ ಪಶ್ಚಿಮಕೆ ದಿನವಿಡೀ ನಡೆದು
ಬಂದ ಹಾದಿಯನು ನೋಡಿ ಬಸವಳಿದು
ದಣಿವು ತಂದ ಬಾಯಾರಿಕೆಯ ತೀರಿಸಲು
ನೀರ ಕುಡಿಯ ಹೋಗಿ ನೀರೊಳಗೆ ಮುಳುಗಿದನು.
ಮುಡುತಿರಲು ಮುಡಣಕೆ ರಂಗು
ಮುಳುಗುತಿರಲು ಪಡುವಣಕೆ ರಂಗು
ಬದುಕಿ ಬಾಳುವ ಹಗಲಿನಲಿ ಬಳಲಿದನು
ಇಡಿಯ ಜಗಕೆ ಕೊಡುತಲಿ ಬೆಳಕು
ಪಯಣದ ಉದ್ದಕ್ಕೂ ತಾನೋರ್ವನೆ ಬೆಳಗಿ
ಬೆಳಕ ಸೆರೆಯಾಳಾಗಿಹ ತಾರೆಯರ ಕಂಡು ಮರುಗಿ
ಬಂಧ ಮುಕ್ತರನ್ನಾಗಿಸಿ ನುಡಿದನು "ನೀವಿನ್ನು ಮಿನುಗಿ"
ಕಡಲ ತಳದ ಸೆರೆಮನೆಯಲಿ ತಾ ಸೆರೆಯಾಳಾಗಿ.
No comments:
Post a Comment