Wednesday 13 February 2013

ಪ್ರೇಮ ನಿವೇದನೆ...

ಹೃದಯದರಮನೆಗೆ ಒಮ್ಮೆ
ಭೇಟಿ ನೀಡೆಯಾ, ಗೆಳತಿ;
ಅಲ್ಲಿ ಉರಿಸಿರುವೆ ನಿನಗಾಗಿ
ಸಾವಿರ ಪ್ರೇಮದ ಜ್ಯೋತಿ

ಆ ಜ್ಯೋತಿಗಳ ಬೆಳಕಲಿ
ನಿನ್ನ ಚೆಲುವ ನಗು ಹೊಳೆಯಲಿ
ನಿನಗಾಗಿರುವ ನನ್ನ ಪ್ರೀತಿಯು
ನಿನ್ನ ಕಂಗಳಿಗೂ ಕಾಣಲಿ

ನಿನಗಾಗಿ ಶೃಂಗರಿಸಿದ ನನ್ನ
ಮನದರಮನೆಯ ಕಣ್ತುಂಬಾ ನೋಡು
ಅದು ನಿನಗೆ ಹಿಡಿಸಿದರೆ
ಅಲ್ಲೇ ನೆಲೆ ನಿಲ್ಲುವ ಮನವ ಮಾಡು

ಹೇಳೇ ಗೆಳತಿ ನಿನ್ನೊಪ್ಪಿಗೆಯ
ಅಪ್ಪುಗೆಗೆ ನಾ ತೋಳನಗಲಿಸಲೇ...
ಇಲ್ಲವಾದಲ್ಲಿ ಪ್ರೇಮ ನಿವೇದನೆಗಾಗಿ
ನಿನ್ನೆದುರು ನಾ ಮೊಣಕಾಲೂರಲೇ...

No comments:

Post a Comment