Wednesday 20 November 2013

ರುಚಿ....



ನನ್ನೊಳಗಿನ ಸಾರವನೆಲ್ಲ
ಧಾರೆಯೆರೆದು ತಯಾರಿಸಿದ
ಹಣ್ಣಿನ ರುಚಿಯ ತೋರಿಸಿದ್ದೆ..
ರವಿಯು ಬಿಟ್ಟ ಉರಿ ಬೆಳಕಿನ
ಬಾಣದೇಟಿನ ನೋವ ನಾ ನುಂಗಿ
ನೆರಳೆನುವ ಹಿತವಾದ
ಸ್ಪರ್ಶದ ರುಚಿಯ ತೋರಿಸಿದ್ದೆ..
ಅತ್ತಿತ್ತ ಒಂದಡಿ ಇಡಲಾಗದಿದ್ದರೂ
ಇದ್ದಲ್ಲೇ ಅತ್ತಿತ್ತ ಮೆಲ್ಲಗೆ ಬಳುಕಾಡಿ
ದಣಿದ ನಿನ್ನ ತನುವಿಗೆ
ತಂಗಾಳಿಯ ರುಚಿ ತೋರಿಸಿದ್ದೆ
ಸ್ವಾರ್ಥವಿರದೆ ಇವೆಲ್ಲವನೂ
ನಾ ನಿನಗಿತ್ತರೂ, ಓ ಮನುಜ
ನೀನೇಕೆ ನನ್ನೊಡಲ ಹಸಿ ಹಸಿ
ನೆತ್ತರ ರುಚಿಯ ಬಯಸಿದೆ...?

No comments:

Post a Comment